*Diary*

Thursday, 05 November 2009

  • １１月４日

    感覺做人好辛苦．．
    今日睇報紙．．見到理工大學有一名殘障既學生．．
    成功以一級榮譽畢業．．
    睇到流曬眼淚．．
    見到人地殘障的．．
    他都不放棄．．
    堅持走他本來只得廿歲的路．．
    他現在２５歲了．．

    上天究竟想什麼？
    一些人其實好想繼續生存．．
    但卻沒機會．．

    一些不想生存的人..
    反而更加要佢地生存．．
    唔准佢走住．．

    唔通上天要每個人都活得精彩．．
    活得開心過．．才准許走？
    要在人生最高點的時候．．
    才奪走一個人的性命？

    那未免太殘忍！
    低點的時候勉強要人繼續生存．．
    反而人在高處的時候．．
    就要佢地接受一ｄ唔想接受既事．．
    例如疾病．．失去身邊人等等．．

    我真係唔知道我眼前的路應該怎行！
    但至少我知道呢一刻個天一定唔會比我走．．
    因為我的人生還未精彩過．．

     


     

     

     

     

     

     


     

Thursday, 29 October 2009

  • １０月２９日

    衰人．．

    係唔係想嚇死我啊？？

    以後都唔准聽唔到電話響啊！！

    電話又無．．ｍｓｇ都無．．

    我就係咁比你嚇到面青青啊．．

    以後都唔好咁樣喇．．

Friday, 09 October 2009

  • １０月８日

     

    我會一直等．．

     

     

     

     

     

     

     

     

     

     

Friday, 02 October 2009

  • １０月１日

    我覺得識得講流利英文既人好叻！
    我覺得識得講流利普通話既人都好叻！
    我覺得識得講英文＋普通話既人更加叻！

    所以．．

    我每次問你呢個字點讀．．果個字點讀．．
    你諗都唔駛諗就咁答我的時候．．

    我超級以你為榮！

    或者可唔可以去到邊都帶埋你出街！哈！

    原來呢個世界仲有ｄ咁純品既男仔！
    真係好榮幸認識到你！

    如果我只係出機票錢．．
    我相信你係第１個．．亦都係唯一一個對我咁好的人！
    講明先！我至少去１個月架！哇哈哈！

     

    今年中秋雖然未過．．但我都覺得特別可憐！
    因為媽媽好慷慨咁送曬家姐買比媽媽既美心月餅比朋友食．．
    自己就１盒都唔留番比我呢個女！
    好可憐既係．．
    呢幾年都係食冰皮．．
    食得太多．．好悶．．
    咁多年都無食傳統月餅．．
    偏偏今年特別想食．．
    媽媽就同我講今年送曬比人．．無得食！
    所以我今年十分可憐地過中秋節！
    因為只有聖安娜小姐陪我過中秋！
    美心小姐．．明年我一定要同你過中秋！
    我約定你啦！

    Ａｎｙｗａｙ．．
    Ｍｏｍ．．ｉ　ｌｏｖｅ　ｙｏｕ　ｓｏ　ｍｕｃｈ！

     

     

Wednesday, 26 August 2009

  • ８月２６日

    諗番起由我識你開始．．
    我同你仍然係中學生．．
    中間斷斷續續咁傾下計．．
    但一斷可以斷年幾．．
    如果話我地係好好既朋友．．
    我又襯唔起．．
    但我地亦唔知點解會ＫＥＥＰ住係朋友．．
    我覺得幾得意！

    由你中五會考考得差．．
    以為你會放棄一切．．前路茫茫．．
    但過左無耐．．
    你又會同我講你ＲＥＰＥＡＴ中五．．
    到你中七Ａ　ＬＥＶＥＬ．．
    你竟然同我講你中文拎Ａ．．
    而且入埋浸大．．
    其實果一刻我真係幾意外！
    估唔到你其實一直無放棄．．
    期間讀書既辛酸．．讀得有幾唔開心．．有幾大壓力．．
    你都無透露過比我知．．
    我亦都無刻意去問你．．

    到你入左浸大．．
    聽到你話讀你最鍾意既體育．．
    我心入面都會替你高興．．
    因為枉你花左咁多心機．．
    由中五考得咁差．．
    到Ａ　ＬＥＶＥＬ拎Ａ．．
    再到宜家你仲上埋大學．．
    呢份毅力真係唔係人人可以擁有！

    不過亦聽過你話大學入面考得唔好．．
    你亦都無放棄．．
    你終於畢業啦．．

    到宜家你竟然做埋老闆．．展開你人生新一頁！
    呢Ｄ全部都係你努力回來的成果！

    我覺得你好厲害！
    就正如你所講．．
    「渺小如一跳蚤　　我也能跳得高跳得遠」

    你宜家已經唔係跳蚤！
    吃得苦中苦．．
    方為人上人．．

    你令我覺得你好驚奇！
    當然你咁多年來之間所遇到既困難同艱辛係我無可能體會得到！

    比個字你．．勁！

    老套Ｄ講句．．
    希望你繼續邁向理想．．
    繼續你的燦爛人生！
    祝你前程錦繡！（真係老套到不得了！）

    但除左咁樣表達．．
    我真係唔知點表達！

     

     


     


     

Saturday, 08 August 2009

  • ８月７日

     

    宜家身邊個個都話我蠢！
    話我點解會信你．．
    我自己都解釋唔到！
    但既然大家一開始時講過要相信大家．．
    咁宜家唯有照做啦！

    近排好恐懼屋企所有人早過我訓．．
    唔知點解好無安全感．．
    完全係想我訓著佢地先准訓果種感覺．．
    我諗我傻了．．


    縱使結果早已知　
    就算犧牲都願意
    前路有多苦　未怕摔倒　
    全因你緊靠住
    忘掉昨天那懷疑　
    在困境堅守路線
    無憾了　這輩子未算長未覺短

     

     


Thursday, 23 July 2009

  • ７月２３日

    點解宜家會變成咁？
    點解次次見面都要鬧交？

    緣份係天賜．．
    既然個天安排大家走在一起．．
    我就不會放棄．．

    就算呢一刻情感變質．．
    以前經歷過既野．．都會永遠記得！

    無論做錯什麼事．．
    總有原諒的一天．．
    這才是我身邊最愛的人．．

    這才是我值得愛的人！

     

     

     

     

     

     

     

     

     

     

  • ７月２２日

     

    今日買左我好想買既野！

    好開心！

    以為會無得賣！

    返工或者放工既時候搭地鐵真係幾辛苦！

    所以盡量．．

    約ｆｄ晏少少先出街．．

    夜晚食埋飯行多陣夜少少先返屋企．．

    或者提早三四點返屋企．．

     

    Ｔｏ　ｍｙ best friend ::::

    今晚終於睇到佢張相啦！
    對方雖然唔係話好靚女．．
    但都未至於醜．．
    更何況宜家係佢身邊既係她不是你！
    所以你最好小心ｄ啦！
    雖然你靚過佢多多聲．．
    但始終會日久生情．．
    更何況她不是醜女！
    所以千萬不要掉以輕心！

    同埋我睇得出個女仔唔係咁易放過佢既人！
    無女人會無條件付出囉！
    如果唔係鍾意佢．．
    點會為左佢犧牲咁多？
    除非係玩野！
    否則以我既分析．．
    個女仔絕對係鍾意左佢！

    如果你係愛佢既．．
    就唔好放手啊！
    要努力爭取到底！
    但如果佢係對你唔好／做一ｄ令你傷心既事．．
    咁就要放手啊！
    因為我都想你得到幸福！
    唔開心就唔好硬來！
    好男人．．是不會讓深愛的女人流淚！

    可惜我唔可以係電話同你講啦！
    我真係好想千叮萬囑．．希望你小心！

    其實個男人如果係愛你既．．
    唔會咁容易被其他女人動搖到！
    一隻手掌是拍不響！對嗎？！

    其實我識左佢好多年．．
    但傾計唔多．．
    我覺得佢係好男人黎架！
    所以或者比ｄ信心佢先啦！
    可能係個女仔”痴”埋佢度呢！
    佢都無話過鍾意個女仔！

    就算佢地真係有野？！
    咁又點？
    既然佢都變心．．
    呢ｄ男人要唔要都罷！
    唔好為左一條泥蜢．．放棄整個海洋！

    仲有好多深海魚等緊你呢！
    深海魚係深海．．
    就等於尋寶．．
    泥蜢係岸邊就有．．
    你又會點揀？！

    所以唔好唔開心啦！
    我唔想睇到你為左佢咁樣！
    如果佢地真係無野．．
    你唔開心就傻豬左啦！

    如果真係有野．．
    唔值得為佢唔開心！
    最多我陪你一齊去搵深海魚啦！
    哈！

    BE HAPPY BABY!
    I LOVE YOU & I MISS YOU!

     

    MR. TSE

    你幾時有得上網？
    等到頸都長啦ｂａｂｙ．．

     

     

     

     

     

     

     


     

     

Sunday, 19 July 2009

  • ７月１９日

    我真係唔明白！
    我唔想比你地知．．
    都只係唔想你地擔心．．
    我都唔明點解你地總要諗ｄ辦法出黎知道答案！
    真係好激氣！

    宜家你地知道曬啦！
    你地好開心啦！

    但我唔開心！
    本來一個人擔心既事．．
    變左咁多人一齊擔心！
    我就係唔鍾意咁樣！

    我宜家個心好唔舒服！
    好激氣！

     

     

    呢幾日失蹤果位！
    唔該蒲頭！
    搬屋大曬？
    搬屋唔係又唔上網．．一個電話都無掛？！
    除非你上網未裝！
    電話卡又唔見埋！

     

     

     

Thursday, 16 July 2009

  • ７月１６日

     

    點解會變成係我表達唔清楚？
    我又從來無講過係果度出黎！
    你又何來會覺得我係果度出黎？

    當我話出黎既時候．．
    你又叫我唔好出黎住！
    到我出黎之後．．
    你又話我遲到！
    真係好莫名其妙！

    奇怪既就係．．
    點解你會咁大反應？
    點解唔可以平心靜氣聽我講一句說話呢？

     

     

    平時搭地鐵多．．
    今日搭巴士．．
    點知就撞車！
    究竟係唔係黑開有條路？

    撞車一刻我唔驚．．
    但我隔離果個就好驚！
    不過睇住對面線架私家車撞埋黎架巴士．．
    果一刻都有諗過點解唔會拋出架巴士出面（我坐車頭）？
    然後有人解釋比我聽：因為開得太慢！

    撞車之後．．巴士司機唔知點解好興奮！
    興奮到打電話同佢ｄ同事講：好大件事啊！發生嚴重交通意外啊！
    但佢既語氣係勁興奮！好似有得上電視咁！

    其實只不過係小事一樁！
    只係一架私家車迎面硬撞一架巴士．．
    巴士只係左邊車頭撞”粒”．．
    反而架私家車嚴重得多！
    車頭嚴重損毀！
    個私家車司機撞車之後個樣都幾痛苦！
    有一對外國情侶落車安慰佢．．
    然後我就不斷聽到：ｃａｌｍ　ｄｏｗｎ！ｘ　ｎ次
    撞到個袋都彈埋出黎！

    最後就搭無乘客既巴士走！
    不停站既巴士都真係幾快到！
    哈！

    感謝上天！


    ｄ人為左打官司．．
    乜野說話都可以講出口！
    離曬譜！
    好彩最後法官張慧玲即時反駁！
    總算有點道德操守！

     

    吉野家姦案 少女曾想輕生

    (明報)2009年7月11日 星期六 10:20

    【明報專訊】3名青年涉嫌在吉野家強姦及教唆強姦少女案昨日續審，事主繼續接受辯方盤問，她指事件對她打擊很大，甚至想過自殺，「後悔識咗佢哋，後悔入咗吉野家做part time（兼職）」。

    事主X在庭上承認，案發後她仍與次被告馬浩芹（17歲）保持良好關係。馬的代表律師質疑X，指馬從未要求X「講大話」，但Ｘ否認並表示馬曾向她說「而家夾吓口供先，你話自願嘅，我哋玩吓嘅啫」。Ｘ表示當時不知如何是好，以為答自願就能解決一切問題。

    馬的代表律師後來指出，事主在強姦短片中呼叫「唔好啊」，只是女性性交時的「一般反應」，但立刻被法官張慧玲反駁，指這是因人而異，不能一概而論。案件下周續審。


     Referral: http://hk.news.yahoo.com/article/090711/4/d4wt.html
     
     
     
     
     

TEAMOKIN_YAN

  • Visit TEAMOKIN_YAN's Xanga Site
    • Name: TEAMO_KIN
    • Country: Hong Kong
    • Metro: Hong Kong
    • Birthday: 11/23/1988
    • Gender: Female
    • Member Since: 4/14/2006

Blogrings

[no blogrings]